+7 (777) 001 44 99
Қазақша
Русский
English
20 қыркүйек 2023 | 09:39
15 қыркүйекке дейін декларация тапсырмаған қазақстандықтарға қандай қауіп бар?
15 қыркүйекте салық органдарына міндетті декларация тапсыру мерзімі аяқталды. Декларацияны уақытында тапсырмағандарға қандай қауіп барын Tengrinews.kz тілшісі Қаржы министрлігінің Мемлекеттік кірістер комитетінен анықтады.
ПОДЕЛИТЬСЯ
15 қыркүйекте салық органдарына міндетті декларация тапсыру мерзімі аяқталды. Декларацияны уақытында тапсырмағандарға қандай қауіп барын Tengrinews.kz тілшісі Қаржы министрлігінің Мемлекеттік кірістер комитетінен анықтады.
Еске салайық, 2023 жылдың 1 қаңтарынан бастап мемлекеттік органдардың қызметкерлері мен олардың жұбайлары, сондай-ақ квазимемлекеттік сектор субъектілерінің қызметкерлері мен олардың жұбайлары салық органдарына табыстары мен мүлкі туралы декларация тапсыруға міндетті болатын.
Комитет мәліметінше, Қазақстан Республикасының "Әкімшілік құқық бұзушылық туралы" Кодексінде, егер бастапқы салық декларациясы уақтылы өткізілмесе немесе декларацияда толық емес, анық емес мәліметтер болса, салық органдары бірінші рет ескерту жасаумен шектелетіні белгіленген.
"Егер жеке тұлғаға әкімшілік жаза қолданылғаннан кейін бір жыл ішінде қайталанса, ол 15 АЕК (15*3450 = 51 750 теңге, 2023 жылға алынған АЕК) көлемінде айыппұл салуға әкеп соғады", - деп толықтырды Мемлекеттік кірістер комитеті.
Сонымен қатар, салық объектілерін жасыру кезінде жеке тұлғаларға төленбеген салық сомасының 200 пайызы және мұндай заңбұзушылық қайталанса 300 пайызы көлемінде айыппұл салынады.
"Қазақстан Республикасынан тыс жерде мүліктің бар-жоғы туралы ақпаратты, сондай-ақ Қазақстан Республикасынан тыс жерде орналасқан шетелдік банктерде ақшасы барын жасырған тұлғалар 100 АЕК (100*3450 = 345 000 теңге, 2023 жылға арналған АЕК алынды) айыппұл төлейді", - деп хабарлады комитет.
2023 жылдың тамызындағы жағдай бойынша шамамен 1,8 миллион адам декларациясын тапсырған.
Жалпыға бірдей декларация Қазақстан Республикасының 2017 жылғы 25 желтоқсандағы №121-VI ҚРЗ "Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы" Заңының 45-1 бабы негізінде жүзеге асырылып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
