16 миллион адамның жеке деректері тарап кеткен: мән-жайы айтылды

Қазақстанда 16 миллион адамның жеке деректерінің тарап кетуіне қатысты істі Ұлттық қауіпсіздік комитеті тергеп жатыр, - деп хабарлайды Tengrinews.kz тілшісі.

Бұл туралы ІІМ редакцияның ресми сауалына берген жауапта айтылған.

"Қылмыстық кодекстің 208-бабы, 2-бөлігі "Ақпаратқа заңсыз қол жеткізу" бойынша қозғалған қылмыстық істі Ұлттық қауіпсіздік комитеті тергеп жатыр", – деп хабарлады ІІМ баспасөз қызметі.

Еске салайық, бұған дейін Бас прокурордың орынбасары Ғалымжан Қойгелдиев азаматтардың деректерінің жаппай тарауына байланысты қылмыстық іс қозғалғанын мәлімдеген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!