16 жастағы мектеп оқушысы "Алматы аруы - 2019" атанды

16 жастағы оқушы Диана Әбішева "Алматы аруы - 2019" атағына ие болды, - деп хабарлайды Tengrinews.kz тілшісі. Сұлулық байқауының ақтық сыны 7 сәуірде кешке оңтүстік астанада өтті.

Жеңімпаз №105 мектепте оқиды және модель болып жұмыс істейді. Ол ағылшын тілін меңгерген. Енді Диана "Қазақстан аруы - 2019" байқауына "Алматы аруы - 2018" Камилла Қожахановамен бірге барады.

"Қазақстан аруы" сұлулық сайысының финалы 2 мамырда елордамызда өтеді.

Диана Әбішева. © Instagram