+7 (777) 001 44 99
Қазақша
Русский
English
25 қыркүйек 2023 | 11:51
2 қазаннан кейін 55 мыңнан аса алматылық банк қызметін ала алмайды
55 мыңнан аса алматылық 2 қазаннан кейін банк қызметін ала алмайды, - деп хабарлайды Tengrinews.kz тілшісі.
ПОДЕЛИТЬСЯ
55 мыңнан аса алматылық 2 қазаннан кейін банк қызметін ала алмайды, - деп хабарлайды Tengrinews.kz тілшісі.
2 қазанында 2022 жылға арналған жеке мүлік салығын төлеу мерзімі аяқталады. Салық төлеушілер - жеке үйлері, пәтерлері, саяжайлары, гараждары және басқа да ғимараттары бар тұлғалар.
Алматы Мемлекеттік кірістер департаменті баспасөз қызметі мәліметінше, төлем мерзімінің аяқталуына санаулы күндер қалса да, 55 644 Алматы тұрғыны жалпы сомасы 735 миллион теңге салықты төлемеген. Төленбеген салықтың негізгі бөлігі Алматының Медеу ауданы тұрғындарына тиесілі – 315 миллион теңге.
"Төлеу мерзімі өткеннен кейін салық төлеуді жүргізбеген тұлғалар салық заңнамасының нормаларына сәйкес банктік қызметтерді ала алмайды, оның ішінде банктік шоттар аша алмайды, аударымдар жасай алмайды, кредит ресімдей алмайды және т.б. Мерзімі өткен әрбір күн үшін Ұлттық банк белгілеген ресми қайта қаржыландыру ставкасының 1,25 еселенген мөлшерінде өсімпұл есептеледі", - деп хабарлады Алматы МКД.
Бұдан басқа, салық органдары мәжбүрлеп өндіріп алу мақсатында сот орындаушыларына салық бұйрықтарын жібереді, олар борышкерлерге қатысты, оның ішінде мүлікке және банктік шоттарға тыйым салу, сондай-ақ елден тыс жерлерге шығуды шектеу шараларын қолданатын болады. Мұндай жағдайларда салық борышынан басқа, қарыз сомасының 25 пайызын құрайтын сот шығындары да ұсталады.
Салық төлемеуге байланысты келеңсіз жағдайларды болдырмау үшін салық қызметкерлері жеке тұлғаларды жақын күндері мүлік салығын төлеуге шақырады.
Барлық сұрақтар бойынша бірыңғай байланыс орталығына 1414 нөмірі бойынша хабарласуға болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
