2020 жылы 43 мың қазақстандық Ресей азаматтығын алды

Ресейде 15 жыл бұрынғы рекорд жаңарды: 2020 жылы 656 мың шетелдік Ресей азаматтығын алды, - деп хабарлайды "Известия".

Олардың ішінде ең көбі украиналықтар - 62,4 пайыз. Сонымен қатар, ресейлік құжат Тәжікстанның 63 мың азаматына және 43 мың қазақстандыққа берілген. 

Одан бөлек, Ресей азаматтығын алғандар тізімінде немістер, америкалықтар, ұлыбританиялықтар, канадалықтар және жеті швейцариялық азамат пен бір жапониялық азамат бар. 

Бұған дейін Стратегиялық жоспарлау және реформалар агенттігінің Ұлттық статистика бюросы 2020 жылдың қаңтарынан қыркүйек айына дейін Қазақстаннан тұрақты тұруға немесе студенттік визамен 21 069 адам кеткенін хабарлаған болатын. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!