+7 (777) 001 44 99
Қазақша
Русский
English
27 қаңтар 2023 | 14:10
2022 жылы қазақстандықтарға қанша кепілсіз, ипотекалық және автонесие берілген?
Бірінші кредиттік бюро өкілдері қазақстандықтарға 2022 жылы қанша кепілсіз, ипотекалық және автонесие берілгенін айтты, - деп хабарлайды Tengrinews.kz тілшісі.
ПОДЕЛИТЬСЯ
Бірінші кредиттік бюро өкілдері қазақстандықтарға 2022 жылы қанша кепілсіз, ипотекалық және автонесие берілгенін айтты, - деп хабарлайды Tengrinews.kz тілшісі.
БКБ мәліметінше, қарыз алушылардың жартысы, яғни 3,5 миллион адамның қалған берешегі 500 мың теңгеден аспайды. Бұл ретте оларға жалпы берешектің тек 10 пайызы немесе шамамен 740 миллиард теңге тиесілі. 2022 жылы бұл қарыз алушылардың портфелі 9 пайызға өсті. Бұл ретте орташа берешек 202 мың теңге болады.
2022 жылы берілген тұтынушы несиесінің көлемі 6,7 триллион теңге болады, бұл былтырғы деңгейден 16,8 пайызға артық. Берілген орташа сома азайған: бір жыл ішінде 314 мыңнан 246 мың теңгеге дейін төмендеді. Бұл ретте қарыз алушылардың 90 пайызында берілген несиенің орташа мөлшері қаңтарда 178 мыңнан желтоқсанда 171 мыңға дейін төмендеген.
Кепілмен берілген тұтынушы несиесінің жалпы сомасы 26,1 пайызға (61,6 миллиард теңге), 297,8 миллиард теңгеге дейін ұлғайды. Алайда олардың саны екі есеге азайып, 267,5 мыңға жетті.
2022 жылы берілген ипотека несиесінің жалпы саны 159 мың болған. Бұл 2021 жылғы деңгейден 3,6 мыңға аз. Бұл ретте берілген сома 12,2 пайызға артып, 2,3 триллион теңгеге жетті.
"Ипотекалық несие көп берілген кез қазанда болды (236,7 миллиард теңге). Бұл кезеңде тұрғын үй бағасы қатты өскен еді (бірінші кезекте - оны жалға алу), бұл ынталандырушы факторлардың біріне айналды. Бұл ретте несие беру көлемі берілген несие санының ұлғаюымен, сондай-ақ, орташа және медианалық мөлшердің ұлғаюына байланысты болды", - деп атап өтті БКБ өкілі.
2022 жылдың қорытындысы бойынша республикада жалпы сомасы 832,1 миллиард теңгеге автонесие берілді. Бұл 2021 жылмен салыстырғанда 30,9 пайызға (196,4 миллиард теңге) артық.
Ең көп берілген кезі маусымда 95,2 миллиард теңгеге, 12,4 мыңға жеткен. Бұл жеңілдетілген несие беру бағдарламасына байланысты болған. Ол бойынша өтінім мамырда қабылдана бастаған еді, бірақ іс жүзінде мәмілелердің едәуір бөлігі маусымда жабылған.
"Көлік бағасының өсуі қарыз көлемінің өсуіне де әкеп соқты. Орташа көрсеткіш қаңтардағы 7,1 миллион теңгеден желтоқсанда 8,4 миллионға дейін өсті; медианалық көрсеткіш 6,0 миллионнан 6,8 миллион теңгеге дейін жеткен", - деді Бірінші кредиттік бюро өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
