30 жыл бұрын Қазақстан ЮНЕСКО құрамына кірді. Ақорда Тоқаевтың архив суретін жариялады

Бүгін Қазақстанның ЮНЕСКО-ға мүше болғанына – 30 жыл. Қасым-Жомарт Тоқаевтың архив фотосы жарияланды, - деп хабарлайды Tengrinews.kz тілшісі "БОРТ №1" Telegram-каналына сілтеме жасап.

"1992 жылы 22 мамырда ЮНЕСКО-ға мүше болу туралы актіге қол қойылғаннан кейінгі Қасым-Жомарт Тоқаев пен ЮНЕСКО-ның Бас хатшысы Федерико Майордың бірге түскен суреті. ЮНЕСКО тізіміне енген еліміздің алғашқы нысаны Қожа Ахмет Яссауи кесенесі болатын", - делінген жазбада. 

Суретте Қасым-Жомарт Тоқаев пен ЮНЕСКО-ның Бас хатшысы Федерико Майор, Париж, 1992 жылғы мамыр. 

ЮНЕСКО-ның әлемдік мұралар тізіміне енген Қазақстандағы нысандар: 

Мәдени нысандар:

• Қожа Ахмет Яссауи кесенесі, 2003 жыл;
• Тамғалы археологиялық ландшафының петроглифтері, 2004 жыл;
• Жібек жолы: Чанъань-Тянь-Шань дәлізінің желісі, 2014 жыл. 

Табиғи нысандар:

• Сары-Арқа – Солтүстік Қазақстан даласы мен көлдері, 2008 жыл;
• Батыс Тянь-Шань, 2016 жыл.

Сілтемесіз жаңалық оқисыз ба? Онда Telegram желісінде парақшамызға тіркеліңіз!