4 облыста қолайсыз ауа райына байланысты ескерту жарияланды

Синоптиктер қолайсыз ауа райына байланысты еліміздің төрт облысында дауылды ескерту жариялады, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, 12-13 шілдеде Қызылорда облысының кей жерлерінде солтүстік-батыстан, солтүстіктен 15-20 м/с жел, шаңды дауыл сақталады.

12 шілдеде Қостанай облысының кей жерлерінде найзағай, бұршақ, солтүстік-батыс желі найзағай кезінде 15-20 м/с күтіледі.

Күндіз 12 шілдеде Атырау облысының кей жерлерінде 41 градус өте қатты ыстық күтіледі.

Күндіз 12 шілдеде Маңғыстау облысының кей жерлерінде 41 градус қатты ыстық сақталады.