+7 (777) 001 44 99
Қазақша
Русский
English
30 сәуір 2024 | 09:39
48 миллион теңге айыппұл: Қазақстанда полиция тексеріс жүргізіп жатыр
ІІМ террористік тұрғыдан осал нысандардың терроризмге қарсы қорғалуын тексеруді жалғастырып келеді, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
ІІМ террористік тұрғыдан осал нысандардың терроризмге қарсы қорғалуын тексеруді жалғастырып келеді, - деп хабарлайды Tengrinews.kz тілшісі Polisia.kz сайтына сілтеме жасап.
Бүгінде аймақтық тізімдерге террористік тұрғыдан осал санатқа жататын адам көп жиналатын 17 мыңнан аса нысан енгізілді. Жыл басынан бері 1804 нысан тексерілген.
"Оның ішінде ойын-сауық орталықтары, ірі сауда және қоғамдық тамақтану орындары, білім беру ұйымдары бар. Тексеру нәтижесінде заңнамада белгіленген қауіпсіздік талаптарын бұзудың 581 дерегі анықталды. Кемшіліктер алғаш рет анықталған объектілердің басшылары мен меншік иелеріне нақты уақыттың көрсетілуімен оларды жою туралы нұсқамалар берілді", - делінген хабарламада.
Сонымен қатар, сеніп тапсырылған объектінің терроризмге қарсы қорғалуын қамтамасыз ету жөніндегі талаптарды бірнеше рет бұзғандарға ӘҚБтК-нің 149-бабы бойынша 180 әкімшілік материал толтырылды. 48 миллион теңге айыппұл салынған.
"Тексерулер тек кемшіліктерді анықтаумен ғана шектелмейді. Полиция қызметкерлері мекеме персоналының, сондай-ақ күзет қызметінің төтенше жағдайлардағы іс-қимылдары туралы білімі мен дағдыларының деңгейін анықтап, оларға сабақ өткізеді. Мұндай түсіндіру жұмыстарымен 40 мыңға жуық қызметкер қамтылды", – деді ведомство.
Ішкі істер министрлігі объектілердің басшылары мен меншік иелерін заңмен белгіленген қауіпсіздік талаптарын сақтауға шақырады. Олардың нақты және сапалы орындалуы – азаматтардың қауіпсіздігінің кепілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
