844 адам Қазақстан азаматтығын алуы мүмкін

Қазақстан Республикасының Мемлекеттік хатшысы Қырымбек Көшербаевтың төрағалығымен ҚР Президенті жанындағы Азаматтық мәселелер жөніндегі комиссияның кезекті отырысы өтті, - деп хабарлайды Tengrinews.kz тілшісі Ақорда сайтына сілтеме жасап.

Отырыста Қазақстан азаматтығын алуға және одан шығуға тілек білдірген адамдардың өтініштері қаралды.

"Жиын қорытындысы бойынша комиссия Мемлекет басшысының қарауына жақын және алыс шетелдерден келген 844 ұлт өкіліне еліміздің азаматтығын беру туралы ұсыныс енгізеді", - делінген хабарламада.

Комиссия Қазақстан азаматтығынан шығу туралы 42 адамның өтінішін қанағаттандыруды да ұсынады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!