Абай шахтасындағы жарылыс: зардап шеккендердің жағдайы айтылды

Қарағанды облысының Денсаулық сақтау басқармасы "Абай" шахтасында болған жарылыста зардап шеккен екі адамның жағдайын айтты, - деп хабарлайды Tengrinews.kz тілшісі.

"7 қарашада профессор Хафиз Мақажанов атындағы көпсалалы ауруханаға шахтаның 1960 және 1963 жылғы екі қызметкері түсті. Екі науқас та шахталық газдан, оның ішінде метаннан және улы газдан қатты уланғаны анықталды. Науқастар жансақтауда. Клиника дәрігерлері барлық қажет медициналық көмекті көрсетіп жатыр", - деді ведомство өкілдері.

Еске салайық, бүгін сағат 08.30-да Абай шахтасында жарылыс болды. Бұл кезде жер астында 64 адам болған. 6 адам қаза тапты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!