Әбдіқалықова: ЕАЭО - әлемнің барлық елдері үшін ашық одақ

Еуразиялық экономикалық одақ - әлемнің барлық елдері үшін ашық одақ, деді ҚР Мемлекеттік хатшысы Гүлшара Әбдіқалықова Л.Н. Гумилев атындағы ЕҰУ-де өткен "Қазақстан Республикасы және еуразиялық кеңістік: қазіргі заман және даму болашағы" атты халықаралық ғылыми-практикалық конференция барысында.

"Еуразиялық экономикалық одақ - ынтымақтастық, жасампаздық және әл-ауқат рухын ұстанатын әлемнің барлық елдері үшін ашық. ЕАЭО аумағында 180 млн. астам адам тұрады, ЖІӨ көлемі 1,5 трлн доллардан арты", - деді Г. Әбдіқалықова, халықаралық ғылыми-практикалық конференцияны ашу барысында.

Мемлекеттік хатшы өз баяндамасында Қазақстанның мемлекеттік құрылыстың жаңа сапалы деңгейіне шыққанын атап өтті, оның құрылымы Мемлекет басшысының бастамасымен шыққан бес институционалдық реформамен айқындалған. Г. Әбдіқалықованың айтуы бойынша, еуразиялылық идеясы заманауи геосаяси және геоэкономикалық бағыттың теориясы мен практикасына байып, жаңа тынысқа ие болды.  

ҚР Мемлекеттік хатшысы Қазақстанның еуразиялық экономикалық одаққа төрағалық ету жылында өткізіліп жатқан конференция еуразиялық ықпалдасудың дамуына өз үлесін қосып, оны жаңа идеялармен және әзірлемелермен толтыратынына сенім білдірді.

Конференция жұмысына парламент депутаттары, мемлекеттік органдардың, дипломатиялық корпустың өкілдері, қазақстандық және шетелдік университеттердің ректорлары қатысты.