+7 (777) 001 44 99
Қазақша
Русский
English
15 мамыр 2024 | 12:20
Әблязовтың тағы бір сыбайласы Қазақстанға қайтарылды
Мұхтар Әблязовтың тағы бір сыбайласы Қазақстанға өз еркімен қайтарылды, - деп хабарлайды Tengrinews.kz тілшісі Антикор мәліметіне сілтеме жасап.
ПОДЕЛИТЬСЯ
Мұхтар Әблязовтың тағы бір сыбайласы Қазақстанға өз еркімен қайтарылды, - деп хабарлайды Tengrinews.kz тілшісі Антикор мәліметіне сілтеме жасап.
"Сыбайлас жемқорлыққа қарсы қызметтің басшылығымен ведомствоаралық жедел-тергеу тобы "БТА Банк" АҚ бұрынғы топ-менеджментіне қатысты ұйымдасқан қылмыстық қоғамдастық құрамында жасалған ақшаны, оның ішінде шетелде жымқыру және жылыстату дерегі бойынша қылмыстық істі тергеуді жалғастырып жатыр.
Қылмыстық іс бойынша 2009 жылдан бері іздеуде жүрген Мұхатар Әблязовтың тағы бір сыбайласы - Алексей Владимирович Богданов Қазақстанға өз еркімен қайтарылды", - делінген хабарламада.
Ол Metropolitan Manageres Corp (BVI) оффшорлық компаниясының номиналды өкілі, "Беловод крахмал комбинаты" ЖАҚ басқарма төрағасы және "Маис Агро" ЖШС маманы ретінде банктің 300 миллион теңгеден астам сомаға ақша қаражатын жымқырған.
"Күдіктінің жақын туыстары және адвокаты түсіндіру жұмыстарының нәтижелері бойынша Богданов Қазақстанға оралуға және тергеуге жәрдемдесуге ниет білдіріп, ол туралы жазбаша өтініш жолдады.
Биыл 15 мамырда ҚР ІІМ Интерполының көмегімен Богданов Брюссель қаласынан (Бельгия) Алматы қаласына келді".
Күдіктінің ерікті түрде оралуын, кінәсін толық мойындауын және тергеумен ынтымақтастығын ескере отырып, Богдановқа қатысты бұрын сайланған қамауда ұстау түріндегі бұлтартпау шарасы кепілге өзгертілді.
Қазіргі уақытта күдіктінің қатысуымен тергеу әрекеттері жүргізіліп жатқаны айтылды. Соталды тергеу жалғасып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
