Абылай Мырзахметовке қатысты сот жабық режимде өтеді

"Атамекен" ұлттық кәсіпкерлер палатасының экс-төрағасы Абылай Мырзахметовке қатысты сот отырысы жабық режимде өтеді. Сот бүгін прокурор оқыған тиісті өтінішті қанағаттандырды, - деп хабарлайды Tengrinews.kz тілшісі.

"Сот өтінішхатты қанағаттандыру туралы шешім қабылдады. Абылай Исабекұлы Мырзахметовке қатысты қылмыстық іс жабық сот отырысында қаралады. Шешімге шағым жасауға болмайды", - деді судья Айжан Құлбаева.

Еске салайық, бүгін таңертең Астанада Абылай Мырзахметовке қатысты басты сот отырысы басталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!