+7 (777) 001 44 99
Қазақша
Русский
English
29 маусым 2023 | 15:29
АХАТ функциясы ХҚКО-ға берілгеннен кейін неке қай жерде тіркеледі?
Азаматтық хал актілерін тіркеу функциялары "Азаматтарға арналған үкіметке" берілгеннен кейін Қазақстандағы некені тіркеу АХАТ бөлімшелерінде жалғасады. Бұл туралы ӨКҚ брифингі барысында "Азаматтарға арналған үкімет" мемлекеттік корпорациясының Алматы қаласы бойынша филиалының өкілдері айтты, - деп хабарлайды Tengrinews.kz.
ПОДЕЛИТЬСЯ
Азаматтық хал актілерін тіркеу функциялары "Азаматтарға арналған үкіметке" берілгеннен кейін Қазақстандағы некені тіркеу АХАТ бөлімшелерінде жалғасады. Бұл туралы ӨКҚ брифингі барысында "Азаматтарға арналған үкімет" мемлекеттік корпорациясының Алматы қаласы бойынша филиалының өкілдері айтты, - деп хабарлайды Tengrinews.kz.
Ведомство мәліметінше, АХАТ қызметі мемлекеттік корпорацияға берілгеннен кейін неке қиюды тіркеу туралы өтініштерді қабылдау және өңдеу, сондай-ақ шешім қабылдау және нәтижелерді беру одан әрі жүзеге асырылады.
"Еске салайық, 1 шілдеден бастап АХАТ қызметі мемлекеттік корпорацияға беріледі. Бұл ретте неке қиюды тіркеуге өтініш беру тәртібі өзгеріссіз қалады. Оны аудан, қала бойынша жүзеге асыру жалғасады. Сонымен қатар, электрон үкімет порталы арқылы әлі де онлайн түрде өтініш беруге болады", - деді филиал директорының орынбасары Әсем Болатбекова.
Спикердің айтуынша, АХАТ функцияларын халыққа қызмет көрсету орталықтарына берудің басты себебі цифрландыруға көшу үдерісін жүзеге асыру болып саналады.
"Сонымен қатар, АХАТ функцияларын мемлекеттік корпорацияға беру себебі – үшінші тарап мердігерлерімен жүзеге асырылатын АХАТ электрондық деректер базасындағы цифрландыру сапасының төмендігі. Сапасыз сканерленген құжаттардың дұрыс енгізілмегендігі. Құжаттар 1937 жылдан бері сканерленіп, деректер базасына енгізіліп келе жатқанын айта кету керек", - деді Әсем Болатбекова.
Некеге тұруды қалайтындар тіркеуші органға жеке басын куәландыратын құжаттармен келуі керек. Бұл некені тіркеудің белгіленген күні енгізілуі керек. Өтінім берген кезде тапсырыс беруші қандай жағдйда үйленгісі келетінін таңдай алады.
Неке қиюды тіркеу (неке қиюды тіркеу туралы өтініштерді қабылдау, қарау, шешім қабылдау және нәтижені беру) АХАТ үй-жайларында қолданыстағы тәртіпке сәйкес жүзеге асырылатыны айтылды. Тиісінше, ХҚКО-да салтанатты тіркеу жүргізілмейді.
"Неке қиатын адамдар тіркеуші органдардың арнайы жабдықталған үй-жайларында немесе арнайы жасақталған мемлекеттік неке сарайларында өз қалауы бойынша салтанатты жағдайда тіркеле алады. Куәлік берудің нақты уақыты мен бұл рәсімді салтанатты жағдайда өткізудің шарты ескертіледі. Некенің салтанатты жағдайда тіркелуі міндетті рәсім болып табылмайды және тараптардың өтініші бойынша жүзеге асырылады", - деді Болатбекова.
АХАТ қызметтерін тек тіркеуші органның қызметкерлері көрсетеді. Мемлекеттік корпорацияның басқа қызметкерлері, оның ішінде ХҚКО операторлары АХАТ ақпараттық жүйесіне қолжеткізе алмайды. Жеке өмірі, және отбасы құпиялары заңмен қорғалады.
"Қызмет көрсету стандарттары, оларды қарау тәртібі мен мерзімі өзгеріссіз қалды. Сонымен қатар, мемлекеттік корпорация АХАТ қызметкерлеріне жүктемені азайту үшін қосымша штаттық бірлікті қарастырады", - деді баяндамашылар.
Тарифтерге келетін болсақ, АХАТ бөлімшесінде ақылы және тегін қызметтер бар. Мәселен, 1 шілдеден бастап некені тіркеу 3874 теңге, ал екі жақты келісім бойынша некені бұзу 7728 теңге болады. Туу мен өлімді тіркеу сияқты әлеуметтік маңызы бар қызметтер тегін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
