+7 (777) 001 44 99
Қазақша
Русский
English
28 желтоқсан 2023 | 17:43
Әкім көптеген шағымнан кейін тұрғындармен автобусқа отырды
Ақтөбе әкімі Азамат Бекет қоғамдық көліктер жұмысына қатысты көптеген шағымдардан кейін жұмысты тексеруге шықты, - деп хабарлайды Tengrinews.kz тілшісі.
ПОДЕЛИТЬСЯ
Ақтөбе әкімі Азамат Бекет қоғамдық көліктер жұмысына қатысты көптеген шағымдардан кейін жұмысты тексеруге шықты, - деп хабарлайды Tengrinews.kz тілшісі.
Жағдайды көзбен көру үшін Азамат Бекет бірқатар автобустарға отырып, кешкі уақытта жұмыстан қайтқан жолаушылармен сөйлескен.
Соның ішінде бүгін шығуы тиіс 12 автобустан тек қана 4 автобус шығарып отырған "Автопарктің" №22 маршрутына отырды. Ескі автобустың саны ғана емес, сапасы да сын көтермейді.
"Жұмыстан, оқудан кешігеміз, автобус аз дейтін біздің тұрғындарды жақсы түсінемін. "Автопарк" пен "Табыс Ақтөбенің" жұмысына сұрақ көп. Халықтың оларға талабы дұрыс. Субсидия төлеуден бізде мәселе жоқ. Күн сайын бақылап отырмын. Конкурсқа қатысып, қызмет түрін ұтып алған соң, автобустармен толық қамтулары тиіс", - деді Азамат Бекет.
"Автопарк" ЖШС директоры Ақарыс Тілеулесов қала әкіміне жағдайды түзеу үшін жаңа автобустарға тапсырыс берілгенін айтты. Қаңтарда 30 және 2024 жылдың соңына дейін 70 автобус әкелінетіні айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
