Ақмола облысында блокбекеттер алынды

Ақмола облысында блокбекеттер алынды, - деп хабарлайды "Хабар24".

Телеарна мәліметінше, енді аймақ ішінде емін-еркін жүруге болады. Бірақ тек елордаға кіреберіс пен оның маңындағы Целиноград ауданында ғана қозғалыс шектелген.

Яғни Нұр-Сұлтан қаласы мен Целиноград ауданының ауылдарына жол жоқ. Себебі аталған аудан қауіпті вирустың ошағына айналған. Ол маңда қалған 3 бекет пен облыс шекарларындағы тағы бірнеше блокбекет өз жұмысын жалғастыра бермек дейді.

Айта кетейік, карантин режимі енгізілген уақытта өңірде 100 шақты блокбекет қойылып, олардың саны кезең-кезеңімен біртіндеп азайтылған болатын. 

"Целиноград ауданының тұрғындары өз аумақтарында ғана жүре алады. Олар басқа аудандарға және елордаға кіре алмайды. Ал басқа аудандар өзара қарым-қатынас жасай алады. Бірақ тек Целиноград ауданы мен астанаға бара алмайды. Сондай-ақ көрші облыстардың аумағына да өтуге рұқсат жоқ", - дейді облыстық жергілік полиция басқармасының басшысы Серік Баймұқанов. 

Қазақстан жаңалықтары. Соңғы жаңалықтар. Telegram желісінде бізге жазыл!