+7 (777) 001 44 99
Қазақша
Русский
English
28 қараша 2022 | 09:46
Ақмола облысында жолда қалған 10 адам құтқарылды
Қатты аяз салдарынан Ақмола облысындағы жолдарда апаттар мен көліктердің бұзылуы жиілеп кетті. Кешенің өзінде жол қызметкерлері тасжолда қалған он адамды, оның ішінде екі баланы құтқарды, - деп хабарлайды Tengrinews.kz тілшісі "ҚазАвтоЖол"-ға сілтеме жасап.
ПОДЕЛИТЬСЯ
Қатты аяз салдарынан Ақмола облысындағы жолдарда апаттар мен көліктердің бұзылуы жиілеп кетті. Кешенің өзінде жол қызметкерлері тасжолда қалған он адамды, оның ішінде екі баланы құтқарды, - деп хабарлайды Tengrinews.kz тілшісі "ҚазАвтоЖол"-ға сілтеме жасап.
Кешкі сағат 21:00 шамасында жол қызметкерлері екі кішкентай баласы бар отбасыға көмектесті. Көліктегі жанармай қатып қалғандықтан, олар діттеген жеріне жете алмай қалған. Жолаушылар отбасын тұрғылықты жеріне жеткізуге көмектесіп, "ГАЗель" көлігін Астана айналма жолының 70-шақырымынан Қосшы қаласына дейін сүйреп апарған.
Сондай-ақ, шағын автобус жолаушыларына да көмек көрсетілген. Оның жолаушылары республикалық маңызы бар Көкшетау-Атбасар тасжолының 150-шақырымында тұрып қалған, оны қызметкерлер Атбасарға сүйреп апарды.
Ақмолалық жол қызметкерлері сол күні кешке Екатеринбург-Алматы тасжолының 1010-шақырымында тұрып қалған істен шыққан жүк көлігінің жүргізушісін жылу пунктіне жеткізді.
Төтенше жағдай туындаған жағдайда жүргізушілер мен жолаушыларға "ҚазАвтоЖол" call-орталығына тәулік бойы жұмыс істейтін 1403 қысқа нөмірі арқылы хабарласу ұсынылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
