Ақмола облысындағы тасжолда жылдамдыққа шектеу енгізілді

Күн бұзылуына байланысты Ақмола облысындағы тасжолда жылдамдыққа шектеу енгізілді, - деп хабарлайды Tengrinews.kz тілшісі.

ҚазАвтоЖол мәліметінше, 3 қарашада сағат 16:00-ден бастап республикалық маңызы бар KAZ02 Астана - Көкшетау (айналма жол) - Петропавл - РФ шекарасы (Жаңа жол өткізу пункті) тасжолының 19-231-шақырымында көліктің барлық түрі үшін жылдамдық шектеуі 110 шақырым/сағ-тан 80 шақырым/сағ-қа дейін төмендетіледі.

Жылдамдық режимін 3 қарашада сағат 21:00-де қайта қалпына келтіру жоспарланып отыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!