Ақтау прокурорының ұсталғаны туралы ақпарат пайда болды: қызметтік тергеу басталды

Telegram-арналарда Ақтау қаласының прокуроры Ерболат Әбдіров Алматы әуежайында мас күйде жанжал шығарғаны үшін ұсталып, айыппұл салынды деген ақпарат пайда болды, - деп хабарлайды Tengrinews.kz тілшісі.

Хабарламада демалыстан оралған аға әділет кеңесшісіне екі бап бойынша әкімшілік хаттама толтырылғаны айтылған: алкогольдік ішімдік ішу немесе қоғамдық орындарда мас күйде жүру, сондай-ақ қоғамдық орындарда бейәдеп сөздер айту, азаматтарға тіл тигізу, мазасын алу және басқа да қоршаған ортаға құрметсіздік көрсететін, қоғамдық тәртіп пен адамдардың тыныштығын бұзатын әрекеттер.

Маңғыстау облысының прокуратурасы бұл ақпаратқа мынадай пікір берді:

"Осы дерек бойынша қызметтік тексеру жүргізіліп жатыр, оның қорытындысы бойынша қызметкерге қатысты тиісті шаралар қабылданады".

Сілтемесіз жаңалық оқисыз ба? Онда Telegram желісінде парақшамызға тіркеліңіз!