Ақтауда 65 миллион теңгеге салынған ескерткіш тұғыры қирап жатыр

Ақтауда Тобанияз Әлниязұлының құрметіне қойылған 65 миллион теңгенің ескерткішінің тұғыры қирап жатыр, - деп хабарлайды Tengrinews.kz тілшісі.

Жергілікті тұрғындардың айтуынша, тұғырдағы қапталған тақтайшалардың бір бөлігі сынып, арматуралары шығып тұр.

Қалалық тұрғын үй-коммуналдық шаруашылық бөлімі бүгінде қаланы абаттандыру нысандарына ағымдағы жөндеу жұмыстарын жүргізетін мердігерді анықтау бойынша конкурстық рәсімдер жүргізіліп жатқанын хабарлады.

"Мердігер анықталғаннан кейін қалпына келтіру жұмыстары жүргізіледі", - деп сендірді шенеуніктер.

Қазақстандық мемлекеттік сатып алулар сайтының мәліметінше, қала билігіне арналған бұл ескерткішті жөндеуге 65 313 ​​642 теңге жұмсалған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!