Ақтауда электр қуаты жаппай өшіп қалды

Ақтауда электр қуаты жаппай өшіп қалды, - деп хабарлайды Tengrinews.kz тілшісі.

"АЭжБ" МКК (Ақтау электр желілері басқармасы) баспасөз қызметі мәліметінше, қалада "МАЭК" ЖШС желісі бойынша электр энергиясы өшіп қалған.

"МАЭК тарапынан желі бойынша электр қуаты өшті. Қазіргі уақытта МАЭК қалпына келтіру жұмыстарын жүргізіп жатыр", - деп хабарлады ұйымның баспасөз қызметі.

Қалада электр жарығы өшіп, бағдаршамдар жұмыс істемей, кептеліс пайда болды.

Lada.kz мәліметінше, Ақтау тұрғындары қазір көптеген шағынаудандарда су мен жылудан бөлек, жарықтың жоқтығына шағымданып жатыр.

Айта кетейік, бүгін, 5 қарашада Ақтауда ауа райы күрт нашарлады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!