Ақтауда көлікке газ орнына су құйылған

Ақтауда көлікке газ орнына су құйып жіберген. Жүргізушінің айтуынша, техникалық байқау кезінде баллоннан сұйытылған газдың орнына су табылған, - деп хабарлайды "Лада".

Ақтау тұрғыны көлігін тексеруге бүгін, 23 желтоқсанда барған.

"Жүргізуші келді де, газ құрылғысында ақау болғанын айтты. Біз диагностика жасап, баллонды ашып, бакқа газ орнына су құйылғанын анықтадық. Бұл гидросоққыға әкелуі мүмкін, сол кезде қозғалтқышты ауыстыру керек болатын еді", - дейді автосервис иесі.

Көлік иесінің айтуынша, ол Бақұдық ауылы маңындағы жанармай құю бекеттерінің бірінде машинасына газ құйған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!