Ақтауда төтенше жағдай режимін бұзған екі кафе анықталды

Ақтауда түнгі рейд барысында төтенше жағдайға байланысты 90-ға жуық нысан тексерілген, - деп хабарлайды Lada.kz.

Портал мәліметінше, 15 шағынаудандағы сағат 22:00 шамасында "15-69" дәмханасы ашық екені анықталып, әкімшілік хаттама толтырылған. Кафе иелеріне ескерту, 10 АЕК мөлшерінде айыппұл не 15 күнге дейін қамау жазасы тағайындалуы мүмкін.  

Сонымен қатар, Ақтау қаласы 5 шағынаудандағы R12 дәмханасы жасырын түрде ашық болған, алайда иелері есікті ашпағандықтан электр желісі сөндірілді.

Еске салайық, Мемлекет басшысы Қасым-Жомарт Тоқаев 15 наурызда Қазақстанда төтенше жағдай жариялады.

"Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында  2020  жылғы  16  наурыздағы 08  сағат 00 минут пен 2020 жылғы 15 сәуірдегі 07 сағат 00 минут кезеңінде төтенше жағдай енгізілсін", - деді Президент.  

Қазақстан жаңалықтары. Соңғы жаңалықтар. Telegram желісінде бізге жазыл!