Ақтөбе облысында қайықты сүйреген құтқарушы видеоға түсіп қалды

Ақтөбе облысында су тасқыны кезінде құтқарушының қайықты сүйреп келе жатқаны видеоға түсіп қалды, - деп хабарлайды Tengrinews.kz тілшісі.

Ақтөбе облысының құтқарушылары Ақтөбе маңындағы су тасқыны кезінде жүргізілген операциялардың бірінің видеосын жариялады. Онда құтқарушылардың бірі қайықты су ортасында қалған адамдарға апару үшін сүйреп бара жатқаны көрінеді. Бұл ретте су деңгейі құтқарушының белінен асады.

ТЖМ мәліметтері бойынша, 15 наурызда су тасқыны кезінде бірнеше адам құтқарылған. Осылайша, Ақтөбе қаласы Алматы ауданы Жайық көшесінде орналасқан үйдің тұрғынына медициналық көмек қажет болған. Құтқарушылар күшімен 1938 жылы туған әйел жедел медициналық жәрдем бригадасына берілген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!