+7 (777) 001 44 99
Қазақша
Русский
English
01 қараша 2022 | 17:12
Ақтөбе облысында мұнай төгілді: тексеріс басталды
Ақтөбе облысында Кеңқияқ және Шұбарши ауылдары маңында мұнай аралас су төгілді, - деп хабарлайды Tengrinews.kz тілшісі.
ПОДЕЛИТЬСЯ
Ақтөбе облысында Кеңқияқ және Шұбарши ауылдары маңында мұнай аралас су төгілді, - деп хабарлайды Tengrinews.kz тілшісі.
Ақпаратты Экология, геология және табиғи ресурстар министрлігінің баспасөз қызметі растады.
Министрлік мәліметінше, "Кеңқияқмұнай" кенішіндегі №797 ұңғымада сұйықтықтың ағуы туралы хабар 30 қазанда түскен.
"Факт бойынша департамент инспекторы аралау жүргізіп, онда 29 қазанда сағат 22:30 шамасында ұңғымада негізгі оқпанның дәнекерленген жері үзілгені анықталды. Ластанған аумақтың көлемі үш мың шаршы метр. Апат салдарын жоюмен "Ақберен" ЖШС айналысып жатыр", - деді министрлік.
Ресми деректерге сәйкес, апат орнында №797 ұңғымасынан мұнай аралас ластанған су ағып жатыр.
"Инспектор оқиға орнынан аумақты өлшеп, сынамалар алды. Кәсіпорын өкілдері қатысып, акт жасалды. Дерек бойынша департамент жоспардан тыс тексеріс тағайындайды", - деді министрлік өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
