Әл-Фараби даңғылы ішінара жабылады

Алматыда әл-Фараби даңғылының бір бөлігі 10 күнге жабылады, - деп хабарлайды Tengrinews.kz тілшісі.

Қалалық мобильділік басқармасының мәліметінше, Достық даңғылынан Жарбұлақ өзеніне дейін көшелер ішінара жабылады. Бұл учаскеде 1-10 маусым аралығында қозғалыс шектеледі. Бұл асфальт ауыстыру жұмыстарына байланысты. 

"Құрметті алматылықтар! Жол төсемін ауыстыру жұмыстары аясында әл-Фараби даңғылында екі бағыт бойынша да Достық даңғылынан Жарбұлақ (Терренкур) өзеніне дейінгі жолдың барлық ені бойынша 2021 жылы 1 маусым мен 10 маусым аралығында күндізгі және түнгі уақытта қозғалыс ішінара жабылады. Кешірім сұраймыз. Бұл уақытта осы учаскемен жүрмеуді сұраймыз", - делінген хабарламада.

Әл-Фараби даңғылында жабылатын учаске қызыл түспен белгіленген

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!