Алдағы күндері ауа райы қандай болады?

Синоптиктер 2017 жылғы 12-14 желтоқсанға арналған болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Мамандардың айтуынша, Қазақстанға суық антициклон жылжып келеді

"Республиканың басым облыстарында қар жаудырып, солтүстігі мен орталық аудандарында боран соқтырған циклон Қазақстан аймағынан алыстауда. Ал оның орнына Орталық Орал аудандарынан суық антициклон таралып, алдағы үш тәулікте жауын-шашынсыз, ауа температурасы әдеттегіден 1…4°С суық, аязды ауа райын белгілейтін болады. Тек республиканың шығысы мен солтүстік-шығысында, сондай-ақ қиыр батысының кей жерлерінде алдағы тәулікте кішігірім қар жауу сақталады", - делінген хабарламада.