Алдағы күндері ауа райы қандай болады?

Синоптиктер 15-17 қараша күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, елімізде суық ауа райы әлі бірнеше күн сақталады.

"Суық және кең алқапты антициклон Қазақстанның ауа райына әлі де әсерін сақтайды. Республиканың басым облысында жауын-шашынсыз ауа райы сақталады. Ауа температурасы аздап жоғарылауы мүмкін. Тек Қазақстанның қиыр солтүстігінде қар жауып, 17 қарашада батыс желі күшейіп, бұрқасын болады", - деді "Қазгидромет" мамандары.