Алдағы күндері ауа райы қандай болады?

Синоптиктер 2019 жылдың 18-20 сәуірі аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"Қазақстанның оңтүстігіндегі белсенді фронтальды бөліктермен алдағы үш тәулікте жаңбыр, кей жерлерде жаңбыр құйып, найзағай ойнайды. Ал суық арктикалық атмосфералық фронттармен республиканың солтүстік облыстарында жауын-шашын, жаңбыр, жылбысқы қар, көктайғақ күтіледі және ауа температурасы 2-10°С аязға дейін төмендейді", - делінген хабарламада. 

Синопниктердің болжамы бойынша, еліміздің солтүстік өңірінде ауа температурасы климаттық нормадан 2-5°С төмен, ал оңтүстік облыстарда 2-5°С жоғары болады.