Алдағы күндері ауа райы қандай болады?

Синоптиктер 2019 жылдың 14-16 қыркүйегі аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"Республиканың оңтүстік жартысына белсенді бұлтпен, кей жерлерде найзағаймен өткінші жаңбыр тудырып, Қазақстанның оңтүстік, орталық және оңтүстік-шығыс аймақтарында бұршақ жаууы ықтимал. Ал Ресейдің Еуропалық бөлігінің солтүстік-батыс аймағынан келетін атмосфералық фронттармен республиканың батыс және солтүстік өңірлерде найзағаймен жаңбыр, екпінді жел күтіледі", - делінген хабарламада. 

Синоптиктердің мәлімдеуінше, климаттық нормаға жақын ауа температурасы болжанады, ал үсік Қазақстанның тек шығысында болуы ықтимал.