Алдағы күндері қандай ауа райы күтіледі?

Синоптиктер Қазақстанда 16-18 ақпан күндері ауа райының қандай болатыны жайлы айтып берді,- деп хабарлайды Tengrinews.kz тілшісі "Қазгидромет" республикалық-мемлекеттік кәсіпорнына сілтеме жасап.

"Қазақстан аумағында алдағы үш тәулікте тағы бір кезекті циклон ықпалынан қар жауып, боран соғады. Көріну 200-500 метрге дейін нашарлап, секундына 15-25 метрге жететін қатты жел күтіледі. Оңтүстік облыстарда күндізгі температура +2, +10° градус және жаңбыр арты қарға көшуі күтіледі", - деп хабарлады мамандар.

Синоптиктердің мәліметінше, еліміздің оңтүстігінде және оңтүстік-шығысында жақын тәуліктерде қатты жауын-шашын күтіледі. Сондай-ақ, кей жерлерде желдің күші секундына 15-25 метрге дейін жетіп, көктайғақ және тұман болады.