Алдағы күндері ауа райы қандай болады?

Синоптиктер 3, 4 және 5 ақпанға арналған ауа райы болжамын жариялады, - деп хабарлайды Tengrinews.kz тілшісі.

Қазақстан аумағының басым бөлігіне Сібір антициклоны әсер етеді. Сондықтан жауын-шашын жаумайды. Тек 5 ақпанда солтүстік-батыс циклоны елдің батысына өтіп, жауын-шашын жауып, жел тұруы мүмкін. Республика бойынша тұман түседі.

"Еліміздің шығысында, солтүстік-шығысында және орталығында түнгі және таңертеңгі сағаттарда 20-30 градусқа дейін аяз сақталады", - делінген хабарламада.

Қазақстанның қалған бөлігінің ауа температурасында айтарлықтай өзгеріс болмайтыны айтылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!