Алдағы мереке күндері ауа райы қандай болады?

Синоптиктер 7-9 мамыр аралығында ауа райы қандай болатынын айтты, - деп хабарлайды Tengrinews.kz тілшісі.

Синоптиктердің мәліметінше, 7 мамырда еліміздің кейбір өңірлеріне бұлтты ауа райы болады.

"Ауқымды антициклонға байланысты 7 мамыр күні басым бөлігінде аздаған бұлтты және құрғақ ауа райы сақталады. Келесі күндері ауа райын республиканың батыс және оңтүстік өңірлеріне шығатын оңтүстік циклонның жылы секторы қалыптастырады. Осыған орай аспанда бұлттар таралып, жаңбыр, кей жерлерде найзағаймен және екпінді желмен қатты жаңбыр жауады, сондай-ақ кей жерлерде бұршақ жаууы ықтимал. Температуралық фон республиканың барлық аумағында жоғарылайды", - дейді синоптиктер.

Қазақстан жаңалықтары. Соңғы жаңалықтар. Telegram желісінде бізге жазыл!