Әлиев Тоқаевты Қарабақта салынып жатқан орталықтың ашылуына шақырды

Әзербайжан президенті Ильхам Әлиев мемлекет басшысы Қасым-Жомарт Тоқаевты Қарабақтағы Әзірбайжанға қазақ халқының тартуы ретінде салынып жатқан Құрманғазы атындағы орталықтың ашылуына шақырды, - деп хабарлайды Tengrinews.kz тілшісі.

"Азат етілген Қарабақта Құрманғазы атындағы балалар шығармашылығы орталығын салу туралы жеке шешіміңіз үшін алғысымды білдіргім келеді. Құрылыс қазірдің өзінде өте белсенді жүріп жатыр және осы мүмкіндікті пайдаланып, сізді осы орталықтың ашылуына шақырғым келеді. Бұл біздің халықтарымыздың достығы мен бауырластығының жақсы символы болмақ, өйткені бізде қираған инфрақұрылымды, оның ішінде әлеуметтік инфрақұрылымды қалпына келтіру бойынша орасан зор жұмыс күтіп тұр, және бауырлас Қазақстаннан осындай бастама, әрине, барлық әзербайжандықтарға үлкен алғыс сезімін оятады", - деп атап өтті Әлиев.

Сілтемесіз жаңалық оқисыз ба? Онда Telegram желісінде парақшамызға тіркеліңіз!