Әлия Назарбаева жаңа ұйымның президиумын басқаратын болды

Әлия Назарбаева Қазақстанның экологиялық ұйымдары Ассоциациясы президиумын басқаратын болды. Бұл туралы Орталық коммуникациялар қызметінің баспасөз релизінде айтылады, - деп хабарлайды Tengrinews.kz тілшісі.

Қазақстанның экологиялық ұйымдары Ассоциациясының таныстыру рәсімі 29 қарашада Орталық коммуникациялар қызметінде өтті.

"Ассоциацияның президиумын Әлия Назарбаева басқарады. Қор өз кезегінде экология  мәселелерімен айналысады. Ассоциацияның қамқоршылық кеңесін жасыл экономика бойынша Нобель сыйлығының лауреаты Рай Квон Чунг таныстырды", - делінген хабарламада.