Алматы әкімі Tesla өкілдерімен кездесті

Алматы қаласының әкімі Бақытжан Сағынтаев Tesla компаниясы өкілдерімен кездесті. Бұл туралы қала басшысы Instagram желісіндегі парақшасында жазды, - деп хабарлайды Тengrinews.kz тілшісі. 

"Бүгін Tesla компаниясы өкілдерімен кездестім. Алматыда сервистік орталық, Tesla Motors шоурумын және электр автомобильдерін зарядтау стансалары инфрақұрылымдарын салу мәселелерін талқыладық. Бірлесіп жұмыс істейміз", - деп жазды Бақытжан Сағынтаев.

Осыған дейін, Алматы әкімі көпбалалы аналардың "Бақытты отбасы" орталығына барған еді.