Алматы әлемнің ең арзан қалаларының бестігіне енді

Алматы әлемнің ең арзан қалаларының бестігіне енді. Бұл туралы Economist Intelligence Unit (EIU) агенттігінің Worldwide Cost of Living 2018 зерттеуінде айтылады.

Ал ең арзан қала Сирия астанасы Дамаск болды. Екінші орында Каракас (Венесуэла), Алматы үшінші орында тұр. Одан кейін Лагос (Нигерия) пен Бангалор (Үндістан) бар. 

Қымбат қалалардың тізімінде Сингапур көш бастаған. Ең қымбат қалалардың бестігінде Париж, Цюрих, Гонконг және Осло бар.

© eiu.com сайтынан скриншот

Тізім құрған зерттеушілер негізге Нью-Йорктегі өмір деңгейін алған. Сарапшылар тауар мен қызметтің 160 түрінің бағаларын салыстырған.