Алматы кәсіпкерлері селден зардап шеккендерге көмектеседі

Алматы кәсіпкерлері 23 шілдеде болған сел тасқынынан зардап шеккендерге көмектеседі, - деп хабарлайды Tengrinews.kz тілшісі. Бұл туралы кәсіпкерлердің аймақтық палатасында хабарланды.

Кәсіпкерлер бір сағаттың ішінде миллион теңге жинап үлгерді, бұл соманы олар тасқыннан зардап шеккендерге аударуға дайын. Олар бір күндік жалақысын да осы мақсатта жұмсауға дайын екендерін мәлімдеді.

Еске сала кетейік, Алматыдағы сел 23 шілде күні түнгі сағат 03.00 шамасында жүрді. Қарғалы өзенінің су деңгейі көтерілгендіктен Қарғайлы және Таусамалы ықшамдаудандарын ішінара су басты. Селден келген шығынның көлемі оның салдарын жою шараларынан кейін анықталады.