Алматы көшелерінде кептелістен жол қозғалысы қиындады

12 қарашада кешкі уақытта Алматы көшелерінде айтарлықтай кептелістер салдарынан жол қозғалысы қиындады, - деп хабарлайды Тengrinews.kz тілшісі. Айта кетейік, бүгін мегаполисте тоқтаусыз қар жауды. 

Алматының ірі көшелерінде кептеліс болды: Абай, әл-Фараби, Сейфуллин, Райымбек даңғылдарының және Төле би, Розыбакиев, Сәтбаев, Момышұлы көшелерінде.

Автокөлік иелеріне арналған Яндекс. Карта қосымшасы (қала көшелеріндегі кептеліс деңгейі) максимал 10 балды көрсетіп тұр. 

Қалалықтардың мәліметінше, кептелістердің салдарынан такси қызметінің құны едәуір өскен. Кейбір такси сервистерінде көлік жетіспеушілігі де байқалған.