Алматы Мәдениет және спорт басқармасы басшысының қызметіне Наиль Нуров тағайындалды

48 жастағы Нуров "7-ші Қысқы Азия ойындарын және Алау эстафетасын өткізу жөніндегі қалалық дирекция" директоры қызметін атқарды. Кейін ол Астанадағы "Алау" мұз сарайының жетекшісі болып тағайындалды.

Нуров ұжымға таныстырылды. Ведомствоның мәліметінше, ол бүгін, яғни 1 қазанда қызметіне кіріседі. Алматы Мәдениет және спорт басқармасының бұрынғы төрағасы Қайырболат Қайдаров өз қалауымен қызметтен кеткен болатын.