Алматы маңындағы өзендерде су тасу қаупі бар

Алматы және Алматы облысында ауа райының қолайсыздығына байланысты алдын ала ескерту жасалды, - деп хабарлайды Tengrinews.kz тілшісі Алматы қаласының Төтенше жағдайлар департаментіне сілтеме жасап.

"30 шілдеде толассыз жаууы мүмкін делінген жауын-шашынға байланысты Алматы облысындағы өзендерде су тасқыны күтіледі", - деп хабарлады ТЖД баспасөз қызметіндегілер.

Айта кетейік, Алматыда соңғы күндері найзағай түсіп, өткінші жаңбыр жауып жүр. Синоптиктердің мәліметінше, елімізде демалыс күндері де ауа райы найзағайлы болып, жаңбыр жауады.