Алматы облысында қар жауды

Алматы облысы Райымбек ауданы Кеген ауылында және Шымбұлақта қар жауды, - деп хабарлайды Tengrinews.kz тілшісі.

"Бізде таңнан бері қар жауып жатыр. Дала суық. Маусымда бірінші рет қар жауды", - деді Кеген ауылының тұрғыны Бауыржан Орынтаев. 

"Шымбұлақ" таушаңғылы демалыс орнында да қар жауды.  

"Қар сейсенбі күні, 6 маусымда басталды. "Шымбұлақта" 32 миллиметр қар жауды, орташа деңгейінде 15 сантиметр, ал Солтүстік Талғарда 20 сантиметр. Қазіргі уақытта қар жауып жатқан жоқ. Күн шығып, ауа райы тамаша болып тұр! Қала көрінісі де әдемі", - деді "Шымбұлақ" ТК баспасөз қызметі.