Алматыда 2016 жылы электр энергиясы қымбаттауы мүмкін

Алматыда 2016 жылы электр энергиясы қымбаттауы мүмкін, - деп хабарлайды "Алматы" телеарнасы.

"АлматыЭнергоСбыт" компаниясының Табиғи монополияларды реттеу агенттігіне сәйкес өтініш бергені хабарланды. Компания жанар-жағармай материалдарының қымбаттауына және доллар бағамының өсуіне байланысты 1 киловатт электр энергиясын 17 теңгеге дейін көтеруге рұқсат сұрады.

"Бұл энегрия көздерінің тарифті 2016 жылдың 1 қаңтарынан бастап 2 пайызға көреруімен байланысты. "КЕГОК" АҚ, Мұнас ЖЖМ тарифтерін 6 пайызға көтеріп үлгерді", - деді "АлматыЭнергоСбыт" бас директорының орынбасары Самат Әрішев. Ол Табиғи монополияларды реттеу агенттігінің әзірше шешім қабылдамағанын айтты. Соңғы шешім 25 желтоқсаннан кейін беріледі.