Алматыда "Алатау" кинотеатры сүрілді

Алматыда "Алатау" кинотеатры сүрілді, - деп хабарлайды Tengrinews.kz тілшісі.

Кинотеатрдың алдыңғы беті түгелдей сүріліп болды, онда енді атақты "Американский бар и гриль" мейрамханасы да жоқ. Сүру бойынша жұмыстар белсенді жүріп жатыр, кем дегенде екі экскаватор тартылған. Айта кетейік, жұмысшылар биік қоршау салып, оған жасыл тор ілген.

Еске салайық, "Алатау" кинотеатрының орнында McDonald's (Макдональдс) пайда болады. Алайда бұл жаңалық қоғамда наразылық туғызған еді. Интернет қолданушылары фаст-фуд құрылысына қарсы флешмоб ұйымдастырған да болатын.

© Николай Колесников