Алматыда Мақатаев көшесінде рельстерді алу жұмысына байланысты жолдар жабылады

Алматыда Мақатаев көшесінде рельстерді алу жұмысына байланысты жолдар жабылады, - деп хабарлайды Тengrinews.kz тілшісі Алматы әкімдігінің баспасөз қызметіне сілтеме жасап. 

"Мақатаев көшесінде Сейфуллин даңғылынан Наурызбай батыр көшесіне дейін трамвай жолы рельстерін алу жұмыстары басталғандығына байланысты ағымдағы жылдың 15 сәуірінен 29 сәуіріне дейін аталған телімде көліктер қозғалысы тоқтатылады", - делінген хабарламада.