Алматыда қар жауғалы бері 100-ге жуық жол-көлік оқиғасы тіркелген

Алматыда қар жауғалы бері 100-ге жуық жол-көлік оқиғасы тіркелген, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

Алматыда 9 ақпанда кешкі уақытта қар жауды. 10 ақпандағы 07.00 жағдайында тау етегінде 25 сантиметрге дейін қар жауды, қалада - 15 сантиметр. Полиция өкілдерінің мәліметінше, 8 ақпандағы 00.00-ден 9 ақпандағы 00.00-ге дейін 14 жол-көлік оқиғасы болған. Ал 10 ақпандағы 10.00-де, кезекші тәуліктердің мөлшерін қосқанда, жалпы 96 жол-көлік оқиғасы тіркелген. "Негізінде бұлар ұсақ апаттар. Қатты зардап шеккендер жоқ. Ешкім қаза тапқан жоқ", - деп мәлімдеді қалалық ІІД ресми өкілі Салтанат Әзірбек. 

Полиция жүргізушілерді көлікті қысқы кезеңде абай жүргізуге шақырады.