Алматыда қарды тазалауға шамамен 400 арнайы техника жұмылдырылды

2 қарашаға қараған түні Алматыда қар жауды, - деп хабарлайды Tegrinews.kz тілшісі. Түнгі үштен бастап қарды тазалауға 390 бірлік арнайы техника жұмылдырылған.

Табиғи ресурстар және табиғатты пайдалануды реттеу басқармасының өкілдері таңғы сағат 08.00-дегі жағдайда қар жамылғысының биіктігінің 7-10 сантиметрге жеткенін хабарлады. Қаланың жоғарғы бөлігінде қар қалың түскен, таудың етегінде қар жамылғысының биіктігі 25 сантиметрге жеткен. 

© "Алматы Тазалық" ҚМК

390 машинаның 112-сі арнайы техника, олар құм шашады. Құм-хлорид төсеу жұмыстары Төле би көшесінің төменгі жағында жүзеге асырылды. Қар жауып жатқан кезеңде 1200 тонна қоспа шашылды. Айта кетейік, арнайы машиналарға көмектесуге 570 жұмысшы тартылды. 

© "Алматы Тазалық" ҚМК

Қаланың коммуналдық қызметтері жаяу жүргінші жолдарын тазалап жатыр, оған тазалағышы бар 65 трактор тартылған. 09.00-ден бастап бекітілген территорияларды тазалауға заңды тұлғалғарды тарту бойынша рейдтер ұйымдастырылған. Қазіргі уақытта таудың етегіндегі аудандардан қарды әкету жұмыстары жүріп жатыр.