Алматыда жұмысшы лифт шахтасына құлап мерт болды

Алматыда "Алматылифт" ЖШС жұмысшысы лифт шахтасынан құлап, оқиға орнында қайтыс болды, деп хабарлайды Tengrinews.kz тілшісі республиканың ТЖМ сілтеме жасап. 

Оқыс оқиға 9-маусым күні Бостандық ауданындағы "Әл-Фараби" тұрғын үй кешенінде болған. Жаңа салынып жатқан 9 қабатты нысанды тексеріп жүрген "Алматылифт" ЖШС 1977 жылғы жұмысшысы абайсызда лифт шахтасына құлап кеткен.

Еске сала кетейік, 2013 жылы Алматыда лифт шахтасынан екі жұмысшы құлап кеткен болатын. "Алматылифт" ЖШС бір жәбірленушісі ауруханаға жатқызылып, ал екіншісі бірінші медициналық көмек көрсетілгеннен кейін үйіне жіберілген.