Алматыдағы арнайы операция: Полицейлер алматылық атқыштың үйін тексерді

Алматыда бүгін таңертең жүргізілген жедел-іздестіру шараларына қатысты жаңа деректер пайда болды, - деп хабарлайды Tengrinews.kz тілшісі ІІД брифингінен.

ІІД мәліметінше, тергеу жұмыстары барысында18 шілдеде полицейлерді өлтірді деген күдікке ілінген Руслан Күлекбаевтің жалдамалы пәтері анықталды. Полицейлер пәтерде адам өміріне қауіпті заттардың бар-жоғын тексеріп шықты. Алайда, полицейлер пәтерді тінту кезінде қауіпті заттарды таппады.

Осыған дейін "Гоголь - Зенков - Мақатаев - Абдуллин" көшелерінің шаршысында ішкі істер органдары жедел-іздестіру шараларын жүргізіп жатыр", - деп хабарлаған еді баспасөз қызметіндегілер.